Davide Petrachi, ish-portieri i dytë i Lecce-s, u arrestua gjatë një goditjeje të gjerë të rrjetit anti-mafia në Puglia, raportuan të martën mediat italiane. Tani 31-vjeçari Petrachi, i cili luajti një ndeshje në Serie A në sezonin 2011-2012, është një nga 37 personat e dyshuar për pjesëmarrje në aktivitet kriminal në lidhje me trafikimin e drogës. Sipas përgjimeve të kryera nga policia italiane, Petrachi u quajt “calcio” ose “portieri” nga bashkëpunëtorët e tij.
Lojtari i akuzuar për pjesëmarrje në shoqata kriminale dhe trafikim droge ka luajtur gjithashtu në Serie A deri në sezonin 2014-2015. Në tre vitet e fundit ka luajtur te Virtus Lanciano, Martina Franca dhe Nardo. Ai u dënua me arrest shtëpie.
Operacioni i gjerë me titull “Orione”, rezultoi me konfiskimin e lëndëve: hashash, kokainë, heroinë, dy mjete shpërthyese, një kallashnikov, pistoleta dhe municion. Ndër veprat penale të akuzuara për personat e arrestuar janë posedimi i paligjshëm i armëve dhe materialeve shpërthyese, gjobvënie dhe përdorim dhune.
Hetimi, i filluar në vitin 2015, i nisur nga karabinierët e Maglie-s, zonë pranë Lecce-s, për të shkatërruar tri grupet kriminale, njëri prej të cilëve ishte strukturuar në një model vertikal dhe i përbërë nga individë të dyshuar se i përkasin famkeqëve të Sacra corona unita, organizata kryesore e mafias në Puglia
