Sulejman Starova nuk ka humbur kohë. Pak javë pasi e larguan nga Partizani, “Bobi” ka vendosur të vazhdojë karrierën si trajner në Kosovë. Nga sot Starova ka marrë postin e trajnerit të Feronikelit, me synim për ta shpallur ekipin kampion. Lajmin e ka konfirmuar pak minuta më parë klubi kosovar, nëpërmjet një deklarate për shtyp në faqen zyrtare të “Facebook”, duke njoftuar marrëveshjen me 62-vjeçarin.
“Nuk kemi kohë për të humbur, sepse lufta për titull është intensifikuar. Ne do të bëjmë të pamundurën, që ta çojmë deri në fund synimin tonë dhe ta fitojmë titullin”, tha presidenti i Feronikelit, Naser Ramaj, teksa i uroi mirëseardhjen dhe fat trajnerit të ri.