Gjashtëdhjetëmijë tifozë kanë ndjekur të shtunën në drekë një tjetër fitore bindëse të zikaltërve, të dytën radhazi. Një nga protagonistët e suksesit 3-0 të marrë kundër Verona-s ka qenë Ivan Perisic, i cili ka realizuar një gol dhe ka dhënë dy asiste për Icardi-n.
“Duhet t’i shfrytëzojmë të gjitha mundësitë që na paraqiten dhe dua të falënderoj kapësin e topave që ma dha topin shumë shpejt. i them gjithmonë Mauro-s që të mos më kthejë kurrizin, sulmuesit duhet të jenë gjithmonë gati. Kemi luajtur mirë, duhet të vazhdojmë kështu”, ka thënë Perisic.
“Kemi punuar shumë në 2-3 javët e fundit, kemi ndryshuar taktikën, luajmë më shpejt, me më shumë vertikalizime. Shpresoj të shënoj edhe kundër Milan, për e rëndësishme është që të fitojë Inter. Duhet të përgatitemi mirë për derbin, do të jetë një ndeshje shumë e bukur, jemi gati dhe të motivuar”.
