Paul Pogba është takuar me armikun e Manchester United Wissam Ben Yedder teksa dysha mbërriti në qendrën stërvitore të Francës në prag të miqësoreve.
Ben Yedder, i cili shënoi dy gola për Sevilla-n ndaj Manchester United javën e kaluar duke i eliminuar nga Champions League, deklaroi se nuk kishte hatërmbetje kur u takuan.
Mesfushori i Manchester United tregoi se ka nisur një kapitull të ri pas një periudhe të vështirë tek United, duke lyer flokët me ngjyrë blu si ngjyra e fanellës së Francës.
Pogba, i cili së fundmi festoi 25-vjetorin e tij, pranoi se stili ri i flokëve është inspiruar pjesërisht nga Super Sayan Blue i Dragon Ball Z.
Pogba kishte veshur një palë pantallona jo për të gjithë teksa mbërriti në Francë për t’iu bashkuar shokëve të ekipit të hënën pasdite për miqësoret ndaj Kolumbisë dhe Rusisë.
