Elseid Hysaj po luan sezonin e tij të tretë te skuadra e Napolit. Shqiptari ka shpërthyer në mbrojtje, nën drejtimin e trajnerit Sarri dhe tani po tërheq vëmendjen e klubeve të mëdha.
“Në verë Juventusi shfaqi interes për shërbimet e Hysajt”, tregon menaxheri i tij, Mario Giufredi.
“Ne nuk e diskutuam shumë gjatë, sepse të dy donim të vazhdonim me Sarrin, duke shpresuar në fitimin e Skudetos. Tashmë grupi është i matur dhe të gjithë besojnë se mund ta arrijnë fitimin e kampionatin. Më pas, është normale që pas tre vjetësh si lojtar i Napolit, të mendosh për një të ardhme më të rëndësishme. Gjithsesi, për momentin mendojmë fitoren me Napolin”, deklaroi agjenti i mbrojtësit shkodran.
