Të kesh një President të apasionuar pas futbollit nuk është gjithnjë një fakt pozitiv, këtë e dinë shumë mirë në Burundi, ku Pierre Nkurunziza, President prej 2005-s, ka urdhëruar arrestimin e trajnerit dhe zv/trajnerin e një ekipi lokal në Kiremba.
Cyriaque Nkezabahizi dhe Michel Mutuma akuzohen se gjatë një ndeshjeje miqësore ku ka luajtur edhe Presidenti Nkurunziza, ky i fundit ka pësuar tepër faulle.
Nkurunziza zakonisht udhëton në qytete të ndryshme të Burundisë bashkë me stafin e tij, që jo pak herë janë edhe shokët e tij të skuadrës Haleluya FC.
Vetë kreu i shtetit, luan si sulmues e ka jo pak avantazhe me kundërshtarët që i lejojnë tepër hapësira për të shënuar.
Por në Kiremba diçka nuk shkoi ashtu siç duhet, e sipas dëshmitarëve, Nkurunziza nuk ka marrë favorizimet me të cilat ishte mësuar, përkundrazi kundërshtarët kanë ushtruar jo pak presion ndaj 11-shes së Presidentit në fushën e lojës, madje duke shkaktuar edhe faulle ndaj tij.
Pas ndeshjes Cyriaque Nkezabahizi dhe Michel Mutuma u arrestuan me akuzën se nuk i i kishin instruktuar siç duhej lojtarët, që sollën edhe dëmtimin në fushë të Presidentit Pierre Nkurunziza.
