Sebastian Vettel ka thyer rekordin e vjetër të pistës Montmelo gjatë sesionit të paradites, në ditën e parafundit të parazezonit të Formula 1.
Piloti gjerman i Ferrarit me njëvendëshen e re SF71H zbriti nën kufirin 1 minutë e 18 sekonda, ndërsa testoi tipin e ri të gomave Hypersoft të prodhura në këtë sezon nga Pirelli. Pas gjermanit, kohën e dytë më të mirë e arriti Kevin Magnussen me Haas, i ndjekur nga Pierre Gasly me Toro Rosso.
Shumë të distancuar ishin dy pilotët e Mercedes Valtteri Bottas dhe Lewis Hamilton, përkatësisht 9 dhe 10, që ishin në kufirin e 1.19.5, por duke përdorur goma të ndërmjetme. Përveç Ferrarit dhe Mercedes, edhe Red Bull arriti të regjistronte me shumë se 180 xhiro testime.
