Java e 27 e Serie A, e shtyrë pas vdekjes së Astorit, pritet të luhet një muaj më vonë, konkretisht më 3 dhe 4 prill.
Liga Italiane e Futbollit është mbledhur sot për të vendosur mbi datën e rikuperimit të javës së 27 të Serisë A, e shtyrë dje pas vdekjes së kapitenit të Fiorentinës, Davide Astori.
Kështu, u vendos që takimet e shtyra dje, të luhen një muaj më vonë, konkretisht më 3 dhe 4 prill, raportojnë mediat italiane.
Gjithsesi ende pezull ka mbetur derbi Milan-Inter, që varet nga ecuria e kuqezinjve në Europa League.
Kështu, nëse skuadra e Gattusos eliminon Arsenalin, atëherë derbi nuk do të zhvillohet mesjavën e 3 dhe 4 prillit, pasi kuqezinjtë do të jenë të impenjuar në çerekfinalet e Europa Leagues.
Vetëm nëse Milani përfundon jashtë kompeticionit, derbi do të rikuperohet në këtë datë.
