Bajerni dhe Dortmundi do të përballen sot në “Allianz Arena” të Mynihut. Bavarezët do të luajnë vetëm për fitore, jo sepse kjo është jetike, por sepse ata duan të festojnë titullin në praninë e tifozëve vendës sa më herët.
Skuadra e Hejnkesit pati mundësinë ta fitonte titullin që në javën e kaluar kur u mund nga Lajpcigu në transfertë, por dhe Shalke fitoi kështu që ishte praktikisht e pamundur. Sot, atyre u duhet të fitojnë dhe Shalke të humbasë apo të barazojë me Fraiburgun në ndeshjen e orës 15:00.
Festa është vetëm 3 pikë larg dhe me sytë nga Shalke, tifozët bavarezë kanë gati fuçitë e birrës dhe pritet vetëm të hapen. Ky do të ishte titulli i 28-të për kampionët në fuqi që mbeten klubi më i titulluar në Gjermani.
