Kur kanë mbetur edhe tre muaj nga fillimi i Kupës së Botës, trajneri i Spanjës, Julen Lopetegui, e ka të qartë se të cilët lojtarë duhet të mbështetet në Rusi. Ekziston vetëm një pozicion që mbetet për t’u përcaktuar në formacionin titullar, teksa 10 lojtarë e kanë treguar tashmë se meritojnë të jenë pjesë 11-shes.
Davi de Gea do të jetë në portë, ndërsa Dani Carvajal, Sergio Ramos, Gerard Pique dhe Jordi Alba do të mbrojnë numrin 1 të Manchester United. Diego Costa do të udhëheqë sulmin i mbështetur nga David Silva dhe Isco.
Në mesfushë, Sergio Busquets dhe Andres Iniesta janë të palëvizshëm kur janë në formë, por mesfushori i tretë nuk është gjetur akoma. Koke, Thiago Alcantara dhe Saul Niguez do të duhet të luftojnë për të treguar se kush e meriton të jetë lojtari i 11-të i Spanjës në këto pak javë të mbetura të sezonit.