Cristiano Ronaldo dhe Zlatan Ibrahimovic nuk janë nga ata lojtarë që njihen për modestinë e tyre, përkundrazi. Portugezi dhe suedezi zgjedhin gjithmonë fjalë pikante dhe ndryshe nga të tjerët për të treguar vlerat e tyre si lojtarë.
Pak ditë më parë ylli i Realit u shpreh se “Askush nuk është si mua. Jam më i miri.” Ndërsa nga ana tjetër, Benjamin Stambouli zbuloi pak ditë më parë se Ibrahimovic i kishte thënë se “Unë nuk jam Mbreti, unë jam Zoti i futbollit.” Në këtë lajm po iu paraqesim frazat më pikante nga të dy lojtarët.
Cristiano Ronaldo:
- Lojtari im i preferuar, jam unë.
- Më kritikojnë sepse jam i pasur, i bukur dhe një lojtar i mirë. Por janë vetëm ziliqarë.
- Vazhdoj të besoj se nuk ka askush më të mirë se sa mua, të paktën në fushën e lojës.
- Të jesh shumë i përulur nuk është gjë e mire. Në Portugali themi se shumë përulësi bëhet kotësi.
- Më bezdis fakti që thonë që Ronaldo ka rënë në rendimet dhe për këtë arsye edhe Reali. Nëse të gjithë do të ishin në nivelin tim, do të ishim të parët.
- E dua skuadrën time dhe i jap notën 9, vetes 10.
- Golat e mi? Sigurisht, kur ka kualitet.
- E dini çfarë i pëlqen futbollit? I pëlqej unë.
- Jam lojtari i parë, i dytë dhe i tretë më i miri në botë.
- Objektivi im është të jem një mes më të mirëve të historisë… ose më i miri.
Zlatan Ibrahimovic:
- Çfarë i ka dhuruar bashkëshortes për ditëlindje? Asgjë, më ka mua.
- Wenger më kishte ofruar një provë te Arsenali, fillimisht mendova ta kryeja, por më pas thashë: Zlatan, nuk bën provime.
- Gazetari: Do ta mposhtni Portugalinë? Ibra: “Vetëm Zoti e di.” Gazetari: Është pak e pamundur t’ia kërkoni.” Ibra: “E keni përballë.”
- Një Botëror pa mua është diçka e vogël. Nuk ka asgjë për të fituar dhe nuk vlen as ta presësh me ankth.
- Thuhet që bëhesh një legjendë në momentin që kalohet në një jetë më të mirë. Unë jam një legjendë e jetuar.
- Nëse do të qëndroj te PSG? Dashuria e tifozëve është e madhe por nuk mendoj se mund ta zëvendësojnë Kullën Eiffel me statujën time. Le ta bëjmë kështu: Nëse e bëjnë, premtoj që do të qëndroj këtu.
- Nuk mund të mos kënaqem kur jam perfekt.
- Unë mund të luaj në të gjitha 11 pozicionet, sepse një lojtar i zoti mund të luajë kudo.
- Nëse Rooney mendon të largohet nga Man. United në verë le të vijë te PSG. Por duhet të mësohet me faktin se unë shënoj më snumë se ai.
- Një Zlatan i dëmtuar është një problem i madh për të gjitha ekipet.
