Hamburgu është në një gjendje kritike. Si të mos mjaftonte humbja e thellë 6-0 që mori dje ndaj Bayernit, duhet të merren edhe me tifozët, të cilët i janë vënë kundër klubit dhe lojtarëve.
Ata kanë arritur deri aty sa të kërcënojnë me jetë lojtarët dhe duke u përmendur varret.
Nuk përjashtohet nga ky kërcënim as qendërmbrojtësi i Kombëtares shqiptare, Mërgim Mavraj.
Përgjatë mbrëmjes së djeshme janë vendosur para stadiumit të Hamburgut disa kryqe varrezash dhe një banderolë e madhe ku shkruhej “Koha juaj mbaroi! Do ju kapim të gjithëve”.
Duket se tifozët e kanë tepruar me kërcënimet e tyre, duke ju përmendur lojtarëve dhe jetën.
Policia është vënë në kërkim të autorëve të ngjarjes, pasi ky nuk është kërcënimi i parë që ata bëjnë, por ky ishte më i rëndi.
