Luigi Di Biagio mbetet kandidati kryesor për t’u emëruar trajneri i ri i Italisë në mënyrë permanente, sipas zv.komisionerit të Federatës Italiane të Futbollit Alessandro Costacurta, i cili thotë se vendimi do të merret në maj.
Trajneri i U-21 Di Biagio është emëruar provizorisht pas shkarkimit të Ventura-s pasi Azzurri nuk u kualifikua në Kupën e Botës për të parën herë që prej 1958.
Costacurta ka përmendur trajnerët e preferuar të federatës, si Conte, por edhe ata trajnerë që do të kishin dëshirë të uleshin në stolin e përfaqësuese si Montella.
“Do ta emërojmë trajnerin e ri më 20 maj,” shprehet ai në konferencën për shtyp të së shtunës.
“Mendoj se është më e rëndësishme për të ditur lojtarët që kemi, pasi nuk besoj se Mourinho ose Guardiola do të kishin bërë më mirë ndaj Argjentinës.
“Di Biagio është një trajner i cili është përmirësuar vit pas viti. Ka shumë mundësi që ai do të jetë trajneri i ri i skuadrës, ose do të jetë pjesë e stafit.
“Gigi është shumë i talentuar. E kam parë nga afër dhe mund të konfirmoj se federata ka të njëjtën pikëpamje me mua.”