Alves mendon se Dybala duhet të largohet nga Juventusi dhe e ka ftuar atë në Francë te PSG-ja.
Dani Alves është duke lobuar për ta sjell sulmuesin e Juventusit, Paulo Dybala te Paris Saint Germaini sezonin e ardhshëm, raporton “Tuttosport”
Vetëm një sezon në Torino, dyshja u bënë shokë shumë të ngushtë te Juventusi dhe Alves dëshiron të ribashkohet me argjentinasin. Ai i ka kërkuar Dybalas që të largohet nga “Zonja e Vjetër”.
“Dybala duhet të largohet nga Juventusi, nuk e di kur, por nëse do të përmirësohet. Ai do të marrë rezultate më të mira (do të bëhet më i mirë), por duhet ta sfidojë vetën që të bëhet më i fortë”, kishte thënë Alves kohë më parë.
Tani “Tuttosport” tregon se Dani Alves ka nisur të lobojë për transferimin e argjentinasit, i cili do t’i bashkohej treshes së frikshme, Neymar, Kylian Mbappé dhe Edinson Cavani.
