Atalanta e Etrit Berishës do të kërkojë kualifikimin në Ligën e Europës ndaj boshnjakëve të Sarajevos, pas barazimit 2-2 në shtëpi. Tekniku i zikaltërve, ka shuar çdo dilemë për sa i përket zërave për largimin e Berishës.
Në konferencën për shtyp të zhvilluar para ndeshjes, tekniku italian i ka dalë në krah portierit shqiptar, duke mos e cilësuar fajtor në 2 golat e pësuar në shtëpi. Gasperini konfirmon prezencën nga minuta e parë të portierit kuqezi.
“Ai i portierit është një problem që nuk ekziston. Nuk e cilësoj Berishën fajtor në rastin e dy golave të pësuar. Kemi bërë gabime por Berisha ndoshta është ai që ka gabuar më pak se të gjithë. Do të luajë përsëri ai nga minuta e pare”, ishin fjalët e trajnerit italian.
