Lajme jo të mira për Manchester City-n dhe Kombëtaren e Argjentinës. Sergio Aguero ka pësuar një dëmtim në gju gjatë stërvitjes të ditës së Shtunë dhe do të qëndrojë 2 javë jashtë fushës së lojës. Informacionin e bëri të ditur vetë lojtari përmes një statusi në rrjetet sociale.
Kështu sulmuesi humbet ndeshjet me Stoke City dhe Everton në Premier League. Gjithashtu 29-vjeçari është në dyshim edhe për aktivizimin në Kombëtaren Argjentinase, që më 23 Mars do të sfidojë në një miqësore luksi Italinë në “Etihad Stadium”.
