Paris Saint-Germain shënjestron objektivin e radhës në merkaton e verës. Është N’Golo Kante i Chelsea një prej emrave më të pëlqyer në shtëpinë e klubit parizien.
Sipas “Le10Sport”, klubi i Al-Khelaifi e dëshiron mesfushorin pasi e konsideron zëvendësuesin ideal të Thiago Motta. 26-vjeçari është lojtari i parë që ka fituar dy tituj radhazi të Premier League, me skuadra të ndryshme.
Kante ka spikatur edhe më shumë që pas transferimit te “Blutë e Londrës” nën drejtimin e Antonio Conte, me PSG që tashmë e ka kthyer në një synim kryesor në sesionin e ardhshëm të merkatos.