Një tifoz gjerman është arrestuar me akuzën se po masturbohej në stadium mes publikut, gjatë një ndeshje kampionati. Tifozi i Hertha Berlin u filmua teksa shfrynte dufin e tij përpara humbjes së të shtunës, ndaj Schalke, me rezultatin 1-0. Fotot e tifozit u publikuan në rrjetet sociale. Bëhet fjalë për një mashkull rreth të 20-ave, në sektorin e miqve, me xhinset e tij të ulura teksa bënte me dorë në publik gjestin e turpshëm. Më pas ai shihet teksa rrethohet nga një grup steëardësh, ndërkohë që tifozë të tjerë të Hertha Berlin qëndronin pranë tij, të pashqetësuar.
Tifozi u shoqërua jashtë ambienteve të stadiumit të Schalkes “Veltins Arena” dhe më pas raportohet se u arrestua pas rezistencës ndaj policisë. Tani ai përballet me akuzat për sjellje të turpshme në publik dhe për kundërshtim të forcave të rendit. Ishte një tifoz i Schalke, me pseudonimin “Se04”, ai që publikoi foton të dielën, shoqëruar me diçiturën: “Kjo ndodhi vërtetë në stadium dje. E pabesueshme”. Më pas fotot u fshinë, por jo përpara se të shiheshin me mijëra herë. Më vonë ato u shfaqën në të gjitha gazetat dhe mediat elektronike gjermane.
