Burime pranë ekipit të Vllaznisë bëjnë me dije se Malota vijon të mbetet në arrati derisa çështja e tij të marrë zgjidhje. Kështu, ai do të mungojë në stërvitjen e skuadrës kuqeblu para takimit kundër Skënderbeut që do të luhet mesditën e së shtunës.
Mbrojtësi lezhjan është kthyer në çështje te Vllaznia, pasi ishte një nga prurjet më të bujshme të merkatos së janarit, por edhe që bëri mjaft punë për planet e trajnerit Gjoka. Tashmë që po afrojnë ndeshjet vendimtare dhe Vllaznia po diskuton mbijetesën, duhet të vuajë dhe mungesën e tij, e cila rëndon shumë.
Veç mungesës së lezhjanit, Vllaznia pret edhe Ardit Krymin, i cili vijon të mbetet i dëmtuar. Gjithashtu, Erjon Vucaj nuk jep garanci për takimin kundër Skënderbeut, që do të thotë se Ernest Gjoka duhet t’i bëjë mirë llogaritë për këtë sfidë.
