Carlo Ancelotti ka diskutuar për mundësinë që të drejtojë Arsenalin – “e ardhmja ime varet nga projekti që më prezantohet”.
Pas më shumë se 20 vjetëve, Arsene Wenger konfirmoi largimin nga stoli i Arsenalit në fund të sezonit aktual. Topçinjtë janë hedhur në sulm për të gjetur një zëvendësues dhe në mesin e shumë emrave, është edhe ai i Carlo Ancelottit.
Trajneri italian vazhdon të jetë pa skuadër që kur u shkarkuar nga Bayern Munich në fillim të sezonit 2017/18 dhe shihet si zëvendësues ideal për Arsene Wengerin.
“Wengeri ka shkruar histori dhe ai duhet të njihet për këtë. Topçinjtë e dinë të ardhmen e tyre, por nëse më involvojnë mua në planet e tyre, jam shumë i lumtur në aspektin profesional, por momentalisht s’ka asgjë”, u shpreh Ancelotti.
“E ardhmja varet nga shanset dhe projekti që më prezantohet, jo vetëm nga unë. Tani jam i fokusuar në ndihmën që po bëj për UEFA-n”.