Arsenal ka nisur të lëvizë për mesfushorin e talentuar Robert Navarro, duke konkurruar me Manchester City, që është i interesuar prej kohësh për lojtarin e Barcelonës, sipas asaj që bën të ditur “Daily Mail”.
Navarro ka pasur një mundësi për të punuar me Pep Guardiola, por aktualisht Arsenal është në “pole position” për të marrë shërbimet e tij, nëse vendos të largohet nga Barcelona.
Barcelona i ka propozuar një kontratë të re talentit, por 15-vjeçari nuk ka firmosur pasi ka shprehur dëshirën për t’u rritur gjetkë.
Javën e ardhshme ai do të jetë 16 vjeç dhe mund të firmosë një kontratë si profesionist në bazë të rregullave të FIFA-s. Wenger është gati t’i ofrojë një mundësin në ekipin e parë, ashtu si ka bërë me Fabregas, vite më parë.
