Arsenali është futur në garë për njërin prej talentëve më të kërkuar brazilian.
Arsene Wenger është i interesuar ta transferojë Kenedy, nëse Chelsea vendos ta shesë përfundimisht atë gjatë verës, raporton ESPN.
Kenedy është duke pasur një sezon fantastik si lojtar i huazuar te Newcastle United dhe performancat e tij mbresëlënëse kanë rënë në sy të shumë klubeve, përfshirë të gjigantëve si Bayern Munich dhe Paris Saint-Germain.
E ardhmja e tij afatgjate në Chelsea është e pasigurt dhe Arsenali është në mesin e klubeve që janë të interesuara të dinë nëse ai është në shitje në mënyrë që të tentojnë t’i sigurojnë shërbimet e tij.
