Pasi ka humbur De Shiljon për çështje dëmtimi, Mauricio Sarri ka parë t’i largohet nga ekipi edhe Aleks Sandro (leje për ndarjen nga jeta të të atit). Në këto kushte trajneri bardhezi mund të improvizojë në repartin mbrojtës për ndeshjen e sotme ndaj SPAL-it.
Risia mund të jetë Blez Matuidi, i rreshtuar si mbrojtës i majtë. Një tjetër variant mund të jetë spostimi i Kuadrados në të majtë, teksa në të djathtë të aktivizohet Demiral me De Ligt e Bonuçi në qendër.
Përveç Ronaldos që planifikohet titullar, planet e Sarrit janë në zhvillim të vazhdueshëm, aq më tepër që një fitore sot në 15:00 do të lejonte një punë më të qetë në kuadër të ndeshjes me Leverkusenin në Champions (të martën).
