Legjenda e Bayern Munchen dhe fituesi i Ligës së Kampionëve me klubin në vitin 2001, Bixente Lizarazu thotë, se bavarezët duhet të luajë ndeshjen e përsosur kundër Real Madridit në ndeshjen e kthimit në “Santiago Bernabeu” të martën për të kaluar në finalen e Kievi.
Nëse do të isha një lojtar i Bayern, do të besoja plotësisht se mund të fitoj në Madrid”, tha Lizarazu për revistën sportive gjermane “Kicker”. “Ju duhet të shkoni në Madrid me një shpirt kafshe, duhet të keni shpirtin e një tigri, jo të një maceje”, vazhdoi ish-ylli i Francës. Lizarazu, i cili fitoi Kupën e Botës në vitin 1998 me kombëtaren franceze, fitoi gjashtë tituj të Bundesliga gjatë një shtatëvjeçari të shkëlqyeshëm në Mynih. Në atë fushatë të vitit 2000/01, skuadra e trajnerit Ottmar Hitzfeld e mposhti Real Madridin në gjysmëfinale, duke fituar 1-0 në “Santiago Bernabeu”.
“I kam dashur këto ndeshje Bayern kundër Realit, është si klasike e Ligës së Kampionëve”, tha Lizarazu. “Një lojë e mirë nuk do të jetë e mjaftueshme, Bayern duhet të luajë ndeshjen e përsosur. Vitin e kaluar kam qenë në Bernabeu, Bayern ka luajtur mirë, vetëm dalja me karton të kuq e Arturo Vidal solli kthesën”, shtoi francezi.
Duke shkuar në kryeqytetin spanjoll me një defiçit 2-1, kampionët e Gjermanisë e dinë se ata duhet të shënojnë të paktën dy herë kundër kampionëve në fuqi të Champions League. Në çerekfinale, Real Madridi u mposht 3-1 në “Santiago Bernabeu” nga Juventusi, me një penallti të kthyer në gol nga Cristiano Ronaldos duke siguruar vendin e tyre kundër Bayern Munchen në gjysmëfinale. Megjithëse duket tepër e vështirë, Lizarazu përsërit faktin se është bërë më parë dhe mund të bëhet përsëri. “Juventusi fitoi 3-1 në Madrid, pse Bayern nuk duhet të fitojë 2-0? Gjithçka është e mundur”, tha francezi