Ka pak gjëra në futbollin evropian, që Cristiano Ronaldo nuk ka arritur dhe shumë nga momentet e tij më të mëdha në Champions League kanë ardhur në dëm të ekipeve të Bundesliga. Sulmuesi i Real Madridit ka shënuar 26 herë në 22 ndeshje kundër kundërshtarëve gjermanë, mesatarisht 1.18 gola për ndeshje.
Mbrojtja e Bayern do të jetë e ngarkuar me parandalimin e golashënuesit më të mirë të Champions League, duke shtuar se të mërkurën në “Allianz Arena” dhe në Madrid kanë shumë arsye për t’u shqetësuar, pasi ata janë një nga viktimat e preferuara të Ronaldo në kompeticionet Evropiane.
CR7 ka shënuar nëntë herë në gjashtë ndeshje kundër Bayern dhe ka qenë një gjemb për gjigandët e Bundesliga në sezonet e fundit. Vitin e kaluar, në çerekfinale, portugezi shënoi pesë gola në dy ndeshje, dy në “Allianz Arena” dhe një tripletë në kthimin në Bernabéu për të eliminuar ekipin e Carlo Ancelotti-t, ndërsa Reali fitoi 6-3 në total.
Dy sezone më parë, Ancelotti falenderoi Ronaldon në marshimin drejt “La Décima” për pjesën e tij duke mposhtur tre ekipe gjermane në rrugë drejt finales. Schalke u eliminua me një rezultat 9-3 të grumbulluar në 1/16 me Ronaldon, duke kontribuar me katër gola dhe portugezi e gjeti rrjetën përsëri në raundin e ardhshëm, pasi Reali mundi B.Dortmund 3-2 në dy ndeshje.
Në gjysmëfinale, Ronaldo shënoi dy herë, pasi Reali shkatërroi me rezultatin e përgjithshëm 5-0 Bayern Munchen. Rekordi i CR7 kundër skuadrave gjermane është thyer vetëm nga 10 gola të tij në garën evropiane kundër Juventusit, por Mynihu ka një vend të veçantë në historinë e tij personale në këtë kompeticion, pasi ai shënoi atje golin e tij të 100-të evropian sezonin e kaluar. Ai gjithashtu mban rekordin për më shumë gola të shënuar në gjysmëfinale me 19 dhe ka shënuar në çdo ndeshje në këtë sezon, tre prej tyre kundër Dortmund në fazën e grupeve. “Ai është gjithnjë vendimtar”, tha trajneri i Bayern, Jupp Heynckes, që shtoi: “Shpresojmë që nuk do të jetë dita e tij të mërkurën”.
