Inter e ka vendosur se largimi i parë do të jetë Ashraf Hakimi.
Sipas asaj që raporton e përditshmja sportive italiane ” La Gazzetta dello Sport”, presidenti i zikaltërve, Stiven Zhang i ka bërë mirë llogaritë për shitjen e yllit maroken i cili ishte vendimtar për fitimin e titullit kampion që Interit i mungonte në palmaresin e saj prej 11 vitesh.
Për çështje 10 ditësh, 22-vjeçari do të shitet për një shifër prej 70 milionë eurosh tek PSG. Strategjia e Interit është të largojë lojtarët që nuk janë pjesë e projektit, por që rëndojnë me pagat e tyre relativisht të larta dhe sipas “La Gazzetta dello Sport”, pas Hakimit rradhën e kanë dhe Arturo Vidal, Raxha Naingolan, Ivan Periziç, Zhoao Mario, dhe Aleksis Sançez.