Flamurtari deri pak javë më parë ishte i pozicionuar në vendin e dytë në tabelën e klasifikimit, por sot është 5 pikë larg vendit të tretë. Duke parë që Kukësi ka bërë një shkëputje të ndjeshme, i duhet minimalisht që të renditet në vendin e tretë për të kapur Europën. Por, Useini, lojtari i kuqezinjve habit kur pyetet se në çfarë rruge e kërkon suksesin kjo skuadër.
Fitorja – “Ishte e vështirë që të shohësh se nuk po shënonim. Ishte një vendim i Duros për të qenë në stol. Minutat që më dha i shfrytëzova si duhet”.
Lushnja – “Nuk duhet parë tabela, pasi 3 pikët janë 3 pikë me të gjithë kundërshtarët. Lushnja bën lojën e saj dhe paraqitet mirë në fushë”
Mbijetesë apo Evropë? – “Personalisht mendoj se që në fillim ishte Evropa. Tani kemi ndeshjen e Kupës ku do të jemi më të përqendruar. Deri në fund ja dalim dhe kapim Evropën”.
Kriza – “Kriza është normale në të gjitha ekipet. Zgjati shumë, por kishim shumë mungesa. Pa harruar dhe fatin që nuk ishte me ne. U bënë bashkë shumë gjëra”.
