Një episod kurioz po bën xhiron e internetit dhe ka lidhje me një këmbim batutash që është zhvilluar mes trajneri Allegri dhe Tagliavento, arbitri i katërt në Inter-Juventus, në përfundim të takimit.
Tekniku takohet rastësisht me arbitrin gjatë intervistave dhe, siç e ka dokumentuar Europsport, e përshëndet me përzemërsi: “Përshëndetje Taglia”.
Më pas, e ka mbyllur duke i thënë: “Ka shkuar gjithçka shumë mirë. Ka bërë një punë të mirë. E ka kaluar klasën, ë… ?”. Për kë po fliste trajneri bardhezi? Janë të shumtë ata që mendojnë se ai i është referuar arbitrit kryesor, Orsato, por Allegri nuk e përmend në asnjë moment emrin e tij.
