Trajneri i Laçit, Gentian Mezani, ka dalë mjaft i zhgënjyer nga humbja kundër Vllaznisë. Ai beson se skuadra meritonte më tepër, por kartoni i kuq i Sefgjinit në minutën e 6-të ndikoi në gjithë lojës. Numri një i laçianeve përgëzon skuadrën e tij që dhe me 10-të futbollist u paraqit mjaft mirë.
“Kishim një lojtar më pak dhe e dinim se do ishte e vështirë. Rrezikuam si në pjesën e parë ashtu edhe në të dytën, por nuk arritëm të shënonim.
Ne jemi futur në fushë për të fituar këtë ndeshje dhe ditën e djeshme na ka kënaqur ndalimi i Partizanit pasi na dha një moral tjetër por më vjen keq që nuk e arritëm fitoren.
Mziu? Nuk e di këtë fakt dhe nuk dua ta komentoj pasi edhe herën e kaluar ishin këto zëra. Nëse do fitonim do renditeshim në vendin e katërt dhe gjërat tjera nuk më interesojnë.
Kemi poseduar topin dhe kemi rrezikuar në pjesën e dytë por ndërtimi i aksioneve nuk ishte siç doja. Doja që lojtarët të kërkonim topin nëpërmjet linjave por ata nuk e bënë këtë dhe ky ishte një defekt që nuk na la të depërtonim në zonë”, – e mbylli Mezani.
