Pak para fillimit të ndeshjes kundër Chievo, drejtori sportiv i Roma, Monchi, ka përgënjeshtruar kalimin e tij te Milan ose Barcelona, ashtu si ka shkruar shtypi në ditët e fundit.
Monchi, i cili u bë i famshëm gjatë punës së shkëlqyer gjatë 10 viteve si drejtor sportiv i Sevilla, konsiderohet si një ndër më të aftët në rolin dhe tij dhe gjatë verës së kaluar firmos për AS Roma, kundrejt 1 milionë eurove në sezon.
“Unë te Milan? Nuk e di nga vijnë këto zëra. Nuk ka asgjë të vërtetë. E di për çfarë lajmi e keni fjalën, sepse edhe vetë e lexova dy herë sepse nuk e besoja. Kjo ndodhi edhe me Barcelonën pak ditë më parë. Unë jam i përqendruar vetëm te Roma.”