Për vite me radhë është folur për gogla të nxehta dhe të ftohta, duke hedhur dyshime mbi pastërtinë e shortit të Champions League. Sot, në Nyon të Zvicrës, është hedhur ai për gjysmëfinalet e kompeticionit më të rëndësishëm europian për klube dhe këto dyshime janë kthyer përsëri.
Çiftet e përzgjedhura kanë qenë Bayern Munich-Real Madrid dhe Liverpool-Roma. Deri këtu nuk ka asnjë problem. Dyshimet ngrihen nga fakti se faqja zyrtare e Roma-s në internet ka nxjerrë në shitje biletat për ndeshjen e kthimit me anglezët para hedhjes së shortit. Bileta këto që i janë vënë në dispozicion nga UEFA. Lajmërimi është hequr menjëherë, por dyshimet mbeten.