Mbrojtësi brazilian i Inter, ka folur për televizionin e klubit zikaltër “Inter TV”, rreth përvojës së tij në Serie A dhe e ka konsideruar veten si “mbrojtësin më të mirë në Serie A”.
“Unë jam i ndershëm, për shkak të përvojës time dhe gjithçka tjetër, unë e konsideroj veten si mbrojtësin më të mirë në Serie A,” – deklaroi braziliani.
“Spalletti? Flas shpesh me të gjatë analizave taktike në video dhe gjatë seancave stërvitore. Eshtë një trajner i aftë. Ajo që më pëlqen më shumë është se ai dëshiron gjithmonë të fitojë, ashtu si unë.”
I pyetur për ndeshjen më të rëndësishme të sezonit, Miranda tha: “Eshtë ndeshje e ardhshme kundër Juventus. Gjithsesi, nëse më duhet të zgjedh fitoren më të bukur sivjet, atëherë zgjedh atë ndaj Milan, 3-2 në derbin e fazës së parë.”
Në fund, Miranda, i pyetur për lojtarin më të mirë që ka parë ndonjëherë, përgjigjet: “Ronaldo ishte fenomeni për të gjithë ne. Ai fitoi Kupën e Botës me Brazilin dhe në Brazil të gjithë e konsiderojnë si futbollisti më i madh i epokës moderne të këtij sporti.”
