Pep Guardiola zbulon se skuadra e tij e ka një sy të hapur drejt çerekfinales së Champions League kundër Liverpool, përpara derbit të së shtunës kundër Manchester United.
Manchester City mund të fitojë titullin në Premier League nëse mposht rivalët e qytetit, përpara se të synojë përmbysjen e tre golave për të shkuar në gjysmëfinalet e ligës së Kampioneve.
“Ne do të mendojmë për Champions League, menjëherë pas ndeshjes kundër Manchester United, – tha Guardiola. -Duhet të kemi ritmin e duhur. Liverpool është thuajse në gjysmëfinale dhe ndeshja është thuajse e mbyllur, por ne do të përpiqemi të shfrytëzojmë mundësinë që kemi.”
“Padyshim që do të luajmë për fitore kundër Manchester United, por nuk mund ta mohojmë se do të kemi një sy të hapur drejt çerekfinales së Champions. Ai do të jetë shansi ynë i vetëm, ndërsa në kampionat kemi edhe gjashtë mundësi të tjera,” – vazhdoi spanjolli.
“Ky është një moment vendimtar i sezonit. United, Liverpool, Tottenham. Tre ndeshje të mëdha në një javë. Na duhet të përgatitemi duke racionuar forcat e futbollistëve për t’i fituar këto sfida.” – përfundoi spanjolli.