Berat Gjimshiti po tregon një formë gjithnjë e më në rritje me skuadrën e Atalantës në Serinë A. Mbrojtësi i Kombëtares, pas shtatë javëve të zhvilluara në elitën e futbollit italian, ka arritur të realizojë ndërhyrje të rëndësishme në rikuperimin e topave për ekipin e tij.
Kjo statistikë e ka renditur atë mes dhjetë më të mirëve deri tani në Itali, të pestin. Sipas statistikave, shqiptari ka rikuperuar 110 topa në shtatë ndeshjet e zhvilluara.
Sipas “Gazzeta Dello Sport”, qendërmbrojtësi kuqezi po e tregon në fushën e lojës besimin që ka marrë nga trajneri i bergamaskëve.
Në krye është Bruno Alvesh i ndjekur nga Samir i Udinezes dhe Kancelor. Mbrojtësi i Kombëtares këtë edicion ka mundësinë që për herë të parë në karrierë të luajë edhe në Ligën e Kampioneve. Në këtë renditje, Lukaku i Interit është i vetmi jo mbrojtës.
