Vetëm pak ditë pasi Pep Guardiola kritikoi Antonio Mateu Lahoz, arbitri spanjoll është caktuar që të drejtojë ndeshjen e kthimit të Manchester City kundër Liverpool në Champions League.
Lahoz ka gjykuar ndeshjen e sezonit të kaluar që City ka luajtur kundër Monaco dhe Guardiola e ka kujtuar atë arbitrim pas humbjes 3-0 të pësuar në “Anfield”.
“E mbaj mend çfarë ndodhi vitin e kaluar”, ka thënë ai. “Ka qenë një barazim 1-1 në shtëpi kundër Monaco, por ka pasur një penallti të pastër për ne ndaj Sergio Aguero-s dhe një karton të kuq për ata, por arbitri spanjoll nuk e dha”.
“Shkuam nga një 2-1 i mundshëm te një disavantazh 2-1. Situata të tilla janë shumë të rëndësishme”. Tani, pak ditë pas kritikave, arbitri i La Liga-s do të jetë përsëri përballë Guardiola-s, me këtë të fundit që do të shpresojë që mos ketë gabime ai i një viti më parë.