Një tjetër humbje, sërish me tre gola të pësuar. Pas humbjes kundër Liverpool, në çerekfinalen e parë të Champions League, muaji prill vazhdon të jetë i keq për Manchester City, që u mposht 3-2 nga Manchester United në derbi.
Gjithsesi, trajneri Pep Guardiola do të kishte preferuar që të shkonte te ndeshja e kthimit në Champions me titullin e Premier League në xhep, por pavarësisht se skuadra e tij ishte në avantazh të dyfishtë, u mposht 3-2 nga United.
“Futbolli nuk është matematikë, – tha trajneri i Manchester City për “Sky Sports”. – Ne bëmë gjithçka për ta fituar këtë ndeshje, por nuk e mbyllëm në pjesën e parë dhe nuk patëm fat për të barazuar, pavarësisht nga sforco në fund.”
Më pas, Guardiola shtoi: “Manchester është skuadër cilësore, shumë e aftë dhe në pjesën e dytë na e tregoi diçka të tillë, pavarësisht se ne i kishim të gjitha mundësitë për të shmangur humbjen. Më vjen keq mbi të gjitha për tifozët, por tani mendojmë vetëm për ndeshjen e së martës kundër Liverpool.”
