Pep Guardiola mendon se Raheem Sterling po dënohet për reputacionin që ka krijuar teksa sulmuesit të Manchester City-t i është mohuar një tjetër penallti e pastër.
Lojtari i përfaqësueses angleze është rrëzuar brenda zonës nga Aaron Cresswell në fitoren 4-1 të City-t në London Stadium – por arbitri Neil Swarbrick nuk akordoi penallti.
Guardiola ishte i revoltuar në zonën e trajnerit dhe mendon se lojtari i tij po trajtohet padrejtësisht.
“Jam shumë i sigurt që ai nuk ka simuluar,” shprehet trajneri i Qytetarëve.
“Është i njëjti aksion si ai me Robertson në Anfield në pjesën e dytë. Kur Sterling shkon në fundore është i njëjti aksion. E mbaj mend shumë mirë momentin kur ndodhi.
“Liverpool e meritonte gjysmëfinalen, por ishte një penallti aq e pastër sa që nuk e kuptoj dot.
“Kjo është një çështje e arbitrave. Ata duhet të ndryshojnë mentalitet.”