Jordi Alba ka sugjeruar se rivalët historikë të Real Madrid duhet të formojnë korridorin e nderit për Barcelona-n e sapo shpallur kampione e Spanjës, megjithëse mbrojtësi i majtë e di që vendimi duhet të merret nga lojtarët.
Barcelona fitoi titullin e 25-të në La Liga dhe titullin e shtatë në 10 sezonet e fundit pas fitores 2-4 ndaj Deportivo de la Coruna mbrëmjen e së dielës.
Leo Messi shënoi një tripletë teksa Barça, e cila mbetet e pamposhtur këtë sezon, ka siguruar dopietëne La Liga-s dhe Copa del Rey.
Përpara se ndeshja të fillonte në Riazor, katalanasve u dha një korridor nderi nga vendasit për triumfin në Copa del Rey ndaj Sevilla-s.
“Nuk është vendimi ynë, të gjithë kanë respekt për ata që duan ta bëjnë,” shprehet Alba.
“Kupa e Botës për Klube ishte një kompeticion ku ne nuk morëm pjesë. Në Santiago Bernabeu, në kampionat, ne e kemi bërë më parë korridorin e nderit. Nëse ata nuk do të na bëjnë korridorin atëherë do të kenë marrë urdhra nga lartë…”