Skuadra e Mainz tani ëndërron mbijetesën. Fitorja 3-0 që u arrit ndaj Leipzig i jep ende mundësi të shpresë te qëndrimi në Bundesligën gjermane (aktualisht janë jashtë zonës së rrezikut). Por mes arkitektëve të suksesit të madh të javës ishte Ridle Baku (emri i tij i pagëzimit në fakt është Bote, por babai i tij ia ndryshoi në nderim të ish-sulmuesit të Borussia Dortmund dhe Gjermanisë, Karl-Heinz Riedle), mesfushor i vitlindjes 1998, i cili debutoi këtë javë krejt papritur në kampionatin gjerman.
Një debutim fantastik dhe krejt i papritur: i bukur sepse shënoi gol dhe befasues sepse deri pak orë para takimit djaloshi ishte në autobusin e skuadrës së dytë duke udhëtuar drejt Fraiburgut për ndeshjen e radhës, kur papritur i bie telefoni. “Isha në një stacion karburanti kur më morën në telefon, – ka treguar futbollisti në një prononcim për ‘Sky Deutschland’, – dhe më thanë se isha i grumbulluar në skuadrën e parë. M’u deshën 45 minuta për të kuptuar se çfarë po më ndodhte”.
Pas telefonatës, një makinë e klubit e mori nga autostrada dhe e dërgoi urgjentisht në stadiumin e Mainzit, në “Opel Arena”. Jo vetëm kaq, por Baku u rreshtua në formacionin titullar duke shpërblyet besimin e stafit teknik me golin e shënuar saktësisht në minutën e 90-të: “Realisht nuk di se çfarë të them, gjithçka ndodhi është kaq e pabesueshme. Nuk mund të shkonte më mirë se kaq”, – ka deklaruar Bau për kanalin gjerman. Në fakt, fotot që shfaqin futbollistin tregojnë shumë për emocionet që ai ka përjetuar pas shënimit të golit: vë duart në kokë dhe qesh nga gëzimi. Kur kanë mbetur edhe dy javë nga përfundimi i sezonit, Mainz është vetëm 3 pikë larg zonës së rrezikut, por gjithsesi është në pozita të mira dhe ka më shumë shanse për të mbijetuar se sa dy rivalet më të afërta.
Ridle Baku, canterano del Mainz, no olvidará el día de ayer. Iba con el filial cuando recibe una llamada en el bus: el 1º equipo (en descenso) le reclama ante el Leipzig
Se baja en una gasolinera
Le recogen
Llega a tiempo
Debuta
Marca un gol en el 91'
Canta con la afición pic.twitter.com/Bzj6kwQTwt— Aitor Lagunas (@aitorlagunas) April 30, 2018