“115 vjet kemi qenë gjithnjë në fushë, gjithnjë kemi fituar barazuar apo humbur në fushë. Por, të jemi humbës në tavoline nuk kemi për ta pranuar ndaj dhe në 3 maj s’do të gjendemi në fushë”, kjo është deklarata e dhënë pak minuta më parë nga zyrat e klubit të Besiktas-it në Turqi.
Ky vendim nga klubi bardhezi ka ardhur për shkak të dhunës së tifozëve të Fenerbahçe-s në ndeshjen e parë gjysmëfinale të Kupës së Turqisë, ku trajneri i Besiktas Senol Gunes u godit me sende të forta dhe klubi bardhezi vendosi që të bojkotojë takimin në minutën e 57.
Por, vendimi i Komisionit të Disiplinës së Federatës së Futbollit Turk ishte i papritur për Besiktas, të cilët e humbën takimin në tavolinë me rezultatin 3-0. Kujtojmë që rezultati deri në minutën e që u ndërpre ndeshja ishte 2-2.
Për ndeshjen e kthimit, e cila do të luhet në stadiumin e tyre, ata kanë vendosur që të mos dalin në fushë për shkak të kësaj padrejtësie që iu është bërë për takimin e parë.