Bayern Munich ka marrë një lajm të mirë para ndeshjes së kthimit ndaj Real Madridit në gjysmëfinalen e Ligës së Kampionëve.Mbrojtësi i krahut David Alaba është kthyer në stërvitje dhe pritet të jetë i gatshëm për duelin në Santiago Bernabeu, raportojnë mediat gjermane.
Ylli austriak nuk luajti në takimin e parë në Allianz Arena ku Bayern Munich u mposht nga Real Madrid me rezultat 1:2.Skuadrat caktojnë finalistin e parë të këtij edicioni në Ligën e Kampionëve në duelin e kthimit të martën.
