Lazio ka mundur 2-1 Udinese-n dhe është ngjitur në vendin e tretë në renditjen e kampionatit italian. Bardhekaltrit kanë parakaluar Roma-n dhe Inter-in, me këta të fundit që kanë përfunduar në vendin e pestë të klasifikimit pas humbjes së pësuar në fushën e Torino-s.
Ndeshja e luajtur në “Dacia Arena” është vendosur në 45 minutat e para. Vendasit kanë kaluar në avantazh në minutën e 13-të me Lasagna-n, por miqtë kanë arritur të përmbysin gjithçka në harkun e dhjetë minutave.
Në minutën e 27-të ka ardhur goli i barazimit me Immobile, në të 37-ën ka qenë Luis Alberto që ka kompletuar përmbysjen, duke i shkaktuar bardhezinjve humbjen e tetë radhazi në kampionat.
