Liverpool do të ketë mundësinë të përgatitet në mënyrën më të mirë të mundshme për sfidën e kthimit të gjysmëfinales së Champions League kundër Roma-s, duke përdorur fushat e Lazio-s.Lojtarët e Jurgen Klopp do të fillojnë ta “shijojnë” atmosferën e kryeqytetit italian për ndeshjen e 2 majit në ambientet e qendrës stërvitore të Formello-s.
Drejtuesit e Lazio-s, në fakt, kanë pranuar të vënë në dispozicion të anglezëve strukturat e tyre. Presidenti i Lazio-s, Caludio Lotito, është i vendosur të bëjë gjithçka është e mundur për t’u siguruar që Roma të eliminohet nga Champions.
Por, edhe pa këtë “ndihmë” nga ana e bardhekaltërve, “Të Kuqtë” e kanë hipotekuar finalen falë fitores 5-2 të arritur në ndeshjen e parë, të luajtur të martën e kaluar në “Anfield”.