Prej vitesh Valencia ka treguar se është një klub i orientuar për të patur të rinj të talentuar dhe për t’i rritur në akademi. Një nga “xhevahirët” e klubit, Yunus Musah tashmë është blinduar nga klubi dhe do ta ketë të sigurt të ardhmen me fanellën e Valencias.
Sulmuesi i cili sapo mbushi 18-vjeç, nënshkroi rinovimin e kontratës për 6 sezonet e ardhshme dhe me një klauzolë rekord prej 100 milionë euro. Një lëvizje e tillë nga drejtuesit është për të mbrojtur lojtarin nga interesimi i klubeve angleze që prej kohësh e kanë monitoruar talentin 18-vjeçar me pasaportë angleze.
