Futboll Premier League

Liverpool sfidon Arsenalin për mesfushorin shqiptar

Valon Berisha duket se në verë mund të bëjë hapin e madh në karrierë, pasi për të interesim edhe nga Angli. Mesfushori i Kosovës po bën një sezon të mirë në Austri me Red Bull Salzburg, jo vetëm në kampionat, por edhe në Europa League. Golat e shënuar prej tij, plot 13 në të gjitha kompeticionet, si dhe paraqitjet e bëra, kanë zgjuar drejtuesit e Liverpool-it, që së fundmi kanë nisur bisedimet me menaxherin e Berishës.

Mesfushori 25-vjeçar luan sezonin e gjashtë në Austri, duke u shpallur katër herë kampion, ndërkohë që më parë ka qenë pjesë e Viking në Norvegji, klub nga ku e blenë austriakët për shumën e 1 milion eurove. Berisha luan në qendër të mesfushës, por edhe në të majtë, ndërkohë që duket se do të ketë një duel për të përfituar shërbimet e lojtarit të Kosovës. Sikurse raportohet nga “Spoxin”, përfaqësues të klubit të kuq e kanë parë mesfushorin në aksion në ndeshjen kundër Borussia Dortmund.

Më parë për lojtarin që la Norvegjinë për Kosovën ka pasur interesim nga ana e Arsenal-it, që gjithashtu i do shërbimet e mesfushorit, i cili është nën kontratë deri në verën e vitit 2020 me Salzburg-un. Në Angli kanë një “fiksim” për futbollistët në Austri, pasi më  parë kanë transferuar lojtarë që kanë treguar cilësi. Sulmuesi aktual i Liverpool-it, Sadio Mane, ka qenë gjithashtu pjesë e Red Bull Salzburg, para se të transferohej te Sauthempton dhe më pas u ble nga të kuqtë. Edhe Naiby Keita ka qenë pjesë e kampionëve të Austrisë më parë.

Related posts

Liverpool-Manchester City, “derbi” britanik që ndez Champions Leauge!!

Sadik.Autor

Nëse humbet ndaj Watford, Conte do të shkarkohet nga stoli i Chelseas

Q.Autor

SHPËRTHEN IBRA/ Vetëm INJORANTËT mund ta thonë këtë për mua dhe MOU

Isa.Autor

Leave a Comment