Luciano Spalletti i ka bërë thirrje Inter-it të tij të tregoj karakter dhe kurajë pasi pranoi se skuadra e tij u dorëzua në fund të fitores 2-1 ndaj Chievos.
Golat e Icardi dhe Perisic i kanë dhënë Inter-it avantazhin e dyfishtë në pjesën e dytë por në fund të ndeshjes një mungesë përqendrimi bëri që Chievo të shënojë me Stepinksi dhe të rrezikojë të përmbysë gjithçka në kohën shtesë.
Spalletti ka përgëzuar skuadrën e tij për momentet e mira ku mori edhe avantazhin, por tha se është zhgënjyer me fazën finale të ndeshjes. “Është skuadra ajo që ka rëndësi,” shprehet trajneri italian për Premium Sport.
“Kompletimi i ndeshjes diferencën dhe nuk është rastësi që u dorëzuam në minutat e fundit, hasëm shumë vështirësi.
“Inter luajti një ndeshje të madhe, duke menaxhuar mirë topin. Brozovic bëri një tjetër paraqitje të madhe. Të gjitha ndeshjet janë të vështira.
“Djemtë e dinë se janë në një pozicion për të kapur një vend mes katër më të mirëve, por gjithashtu e dinë se duhet të tregojnë karakter, kurajë dhe përgjegjësi për të luajtur.
“Mentaliteti duhet të jetë i njëjtë, pavarësisht nga kundërshtari. Duhet të mundohemi t’i fitojmë të gjitha deri në fund.”