Barça kaloi në avantazh me golin e shënuar nga Phillipe Coutinho, që në minutën e shtatë, pasi braziliani goditi saktësisht nga brenda zonës, pas pasimit të marrë nga Osumane Dembele.
Lionel Messi, u shërbye nga Luis Suarez, në minutën e 38-të, duke shënuar golin e dytë për katalanasit.
Gjithsesi, ende pa u mbyllur pjesa e parë Lucas Perez ktheu në lojë Deportivo me një gol që ngjalli shpresat e ekipit të drejtuar nga Clarence Seedorf.
Kur kaloi një orë lojë, vendasit barazuan me anë të Colak, por më kot sepse Messi shënoi golin e tretë, nëntë minuta para fundit, sërish i shërbyer nga Suarez.
Tripleta e numri 10 u kompletua pak më vonë me golin e tretë personal, të katërtin për miqtë.
Messi ka shënuar 13 gola në “Riazor” gjatë karrierës së tij, stadiumi i preferuar nga “pleshti”. Ai që bëhet lojtari i parë në historinë e kampionatit spanjoll që shënon 30+ gola në shtatë kampionate.
Ky ishte goli numër 32 për argjentinasin në La Liga, ku është golashënuesi më i mirë.
Barcelona ka fituar 126 trofe në 119 vite histori të klubit: 25 herë titullin në La Liga, 30 herë Kupën e Mbretit, 12 herë Superkupën e Spanjës, 5 herë Champions League, 4 herë Kupën e Kupave, 2 herë Kupën e Ligës Spanjolle, 2 herë Kupën Latine, 3 herë Kupën Ferias (ish-Kupa UEFA), 3 herë Botërorin për Klube, 21 herë kampionatin katalanas, 8 herë Kupën e Katalonjës, 1 herë Superkupën e Katalonjës.
https://twitter.com/mediaculesgol04/status/990666845618229248
