Tani dihet: futbolli nuk pushon kurrë së habituri. Ajo që ka ndodhur në Turqi, është e zhurmshme. Cankirispor, klubi që militon në kategoritë e panjohura turke, ka humbur në mënyrë të pabesueshme kampionatin pas një humbjeje absurde në ndeshjen e fundit të sezonit. Një diçka që mund të ndodhë, është e vërtetë, por motivi i mundjes është absurd.
Klubi, faktikisht, nuk është prezantuar në ndeshjen vendimtare që do të luhej kundër ekipit të renditur në vendin e dytë në klasifikim. Motivi? Thjesht, një mosvëmendje, e cila i ka kushtuar shumë shtrenjtë klubit, formacioni i kreut të tabelës ka qenë konfuz për datën e ndeshjes kundër Kursunlu Beledieyesoirm e programuar të premten e shkuar, duke besuar se do të luhej të dielën e shkuar.
Për Cankirispor kanë mbërritur dy humbje brenda një ndeshjeje. 3-0 në tavolinë dhe 3 pikë penalizim. Për të rregulluar situatën, presidenti Sevda Karaali ka provuar me të gjitha mënyrat për të justifikuar mungesën e lojtarëve. Duke kërkuar që të bindte Komisionin e Disiplinës Amatore fillimisht ai tha se futbollistët e tij kishin kaluar një helmim ushqimor dhe më pas shtoi se ishte faji i autobusit të skuadrës, i cili ishte prishur para ndeshjes.
Zekeriya Kahraman, presidenti i Kursunlu, menjëherë ka replikuar, duke e akuzuar Karaali se kishte gënjyer. “Karaali po gënjen: kanë menduar se ndeshja do të luhej të dielën, por në realitet e dinin se do të luhej të premten: do të vinin në kohë edhe me një traktor vetëm që të tregonin dhe të provonin se ky ishte një gabim”, këto janë fjalët e presidentit të Kursunlu për “Haberturk”.
