Thuajse të gjitha stadiumet mbajnë emrin e një futbollisti, trajneri apo drejtuesi të së kaluarës që nuk jeton më, në nder të kujtimit të tij. Por nuk është gjithmonë kështu: ka edhe stadiume të cilat mbajnë emrin e futbollistëve apo trajnerëve që janë ende gjallë. Në Francë Përshembull stadiumi i ekipit gjysmë-amator Sens mban emrin e Bacary Sagna, futbollisti aktual i Benevento. Mbrojtësi francez nuk është i vetmi që ka pasur këtë nder, ja rastet më kurioze…
Një juventin në Paraguaj – Përshembull, në vitin 2002 stadiumi i “Tacuary”, në periferi të kryeqytetit të Paraguaj, Asuncion, mori emrin e Roberto Bettega. Arsyeja? Presidenti i klubit Francisco Ocampo ishte një tifoz i flakët i ish-sulmuesit të Juventus. Në vitin 2014, impianti sportiv është mbyllur dhe më pas u shkatërrua duke ia lënë vendin një parkimi publik.
Ish-bardhezi – Një tjetër futbollist i Juventus ka pasur nderin t’i vendosë emrin një stadiumi. Bëhet fjalë për Didier Deschamps, trajneri aktual i kombëtares franceze. Impianti i Bayonne, qyteti bask ku la lindur ish-mesfushori mban pikërisht emrin e tij.
Didi – Didier Drogba konsiderohet si një legjendë e vërtetë në Levallois-Peret, klubi shumësportësh në Francë ku është rritur si futbollist. Kjo është arsyeja përse stadiumi i futbollit mban pikërisht emrin e sulmuesit nga Bregu i Fildishtë.
“Guru” nga Rozario – Stadiumi “Marcelo Bielsa” deri në vitin 2009 mbante emrin “Estadio El Coloso del Parque”, është impianti ku i zhvillon ndeshjet Newell’s Old Boys, klubi argjentinas që ka vendosur t’i verë emrin e “El Loco” stadiumit të tyre, si një mënyrë falënderimi për sukseset e mëdha që i ka dhënë klubit kuqezi.
“El Nino” – Fernando Torres është një tjetër futbollist në aktivitet që ka nderin të ketë një stadium me emrin e tij, atë të Fuenlabrada, klubi spanjoll që luan në Segunda Division B. “El Nino”, që ka nisur pikërisht në Fuenlabrada, ka marrë këtë respekt nga skuadra e fshatit të tij, për sukseset që ka pasur me Atletico Madrid në Premier League dhe në kombëtaren spanjolle.
