Fredi Bobic nga Eintracht Frankfurt dhe drejtori sportiv i Bayern, Hasan Salihamidzic u takuan sot në Frankfurt pak ditë pasi Bayern Munchen zyrtarizoi Niko Kovac si trajnerin e tyre të ri.
Drejtori sportiv i Frankfurt dhe Hasan Salihamidzic u takuan personalisht për herë të parë pas deklaratave thumbuese në distancë. Si pjesë e një ndeshjeje të DFL në Frankfurt u takuan kundërshtarët me njëri-tjetrin.
Ne u takuam në mëngjes për të biseduar përpara ndeshjes dhe e kam bërë shumë të qartë mendimin tim përsëri. Kemi shkëmbyer pikëpamjet tona dhe pastaj e kemi dërguar në aeroport pas takimit, sepse unë e kisha rrugën drejt e në shtëpi”, tha Bobic “Bild” për Salihamidzic.
Drejtori sportiv i Frankfurtit reagoi me tone të ashpra të premten pas njoftimit të Bayern se kishin arritur marrëveshjen me Niko Kovac. Ky i fundit mori postin e trajnerit të kampionëve të Gjermanisë për sezonin e ardhshëm, pa përfunduar ende sezoni.
Ai akuzoi drejtuesit e Bayern, që nuk respektuan rregullat bazë duke e quajtur një veprim aspak profesional sjelljen e tyre për arritjen e marrëveshjes dhe prezantimin e trajnerit. Salihamidzic i hodhi poshtë këto akuza duke kundërshtuar. “Sigurisht që unë e kuptoj që Bobic është i mërzitur, pasi ai po humbet një trajner të shkëlqyer si Kovac, por mua mu duk fjalor i papërshtatshëm, pasi ne u sollëm në mënyrë korrekte”, tha Salihamidzic.
